Mnr Toets van Boorgate is 'n opportunis en swendelaar van onbekende beroep. Hy glo hy is onweerstaanbaar vir die teenoorgestelde geslag en ongelukkig het menige vrou al geswig voor sy kontinentale sjarme. Hy reis dikwels tussen Ha'mansetoti en die ou Transvaal. Waarom hy elke drie maande 'n draai in die Kaap gaan maak, weet niemand nie.

Dit verg fyn beplanning en akkurate verdeling van die Los Hollander se tyd wanneer hy al sy katte in die donker wil knyp, aangesien dit 'n kattestrofe kan afgee indien die verskillende partye van mekaar uitvind. Hy ruim wel tyd in vir los gelukkies en plant van aartappelmoere.